നവാഗതനായ അഹമ്മദ് കബീര് സംവിധാനം ചെയ്യുന്ന ജൂണ് സിനിമയുടെ പുതിയഗാനം പുറത്തിറങ്ങി. ജൂണില് ഒരു പെണ്കുട്ടിയുടെ കൗമാര കാലം തൊട്ട് വിവാഹം വരെയുള്ള ജീവിതമാണ് പറയുന്നത്.
അനുരാഗ കരിക്കിന് വെള്ളത്തിലെ എലി എന്ന കഥാപാത്രത്തിലൂടെ പ്രേക്ഷക ഹൃദയം കീഴടക്കിയ രജിഷ വിജയന് ആറ് ഗെറ്റ്അപ്പുകളില് ജൂണില് എത്തുന്നത്. ആദ്യ ഗാനത്തില് രജിഷയുടെ സ്കൂള് ജീവിതമാണ് കാണിക്കുന്നതെങ്കില് ഇത്തവണ യൗവ്വന കാലത്തെയാണ് ചിത്രീകരിക്കുന്നത്. നഗരജീവിതത്തിലെ കാഴ്ചകളെ ഒപ്പിയെടുക്കുന്ന മനോഹരമായ ഫ്രെയിമുകളാല് ഗാനത്തിലെ രംഗങ്ങള് ചിത്രീകരിച്ചിരിക്കുന്നു.
ഫ്രൈഡേ ഫിലിം ഹൗസിന്റെ ബാനറില് വിജയ് ബാബുവാണ് സിനിമ നിര്മ്മിക്കുന്നത്.കൂട് വിട്ട് പാറും തേന് കിളി എന്ന വരികള്ക്ക് പിന്നില് വിനായക് ശശികുമാറാണ്. ഇഫ്തിയാണ് ചിത്രത്തിന്റെ സംഗീതം നിര്വഹിക്കുന്നത്. ബിന്ദു അനിരുദ്ധനാണ് ഗാനം ആലപിച്ചിരിക്കുന്നത്.
